ਤਨ ਤਾਂ ਬਖਸ਼ਿਆ ਤੇਰਾ ਐ
ਹਉਮੈ ਕਹੇ ਮਨ ਮੇਰਾ ਐ
ਆਪੇ ਦਾ ਕੋਈ ਗਿਆਨ ਨਹੀਂ
ਸ਼ਬਦ ਸੁਰਤ ਕੋਈ ਧਿਆਨ ਨਹੀਂ
ਔਗੁਣਾਂ ਦੀ ਹੀ ਢੇਰੀ ਐ
ਅਜੇ ਲਗਦੀ ਵਾਟ ਲਮੇਰੀ ਐ
ਕੀ ਅਰਪਾਂ ਮੈਂ ਸਭ ਤੇਰਾ ਐ
ਬੜਾ ਲਗਦਾ ਦੂਰ ਬਸੇਰਾ ਐ
ਬਸ ਫੁਰਨਿਆਂ ਦਾ ਹੀ ਸ਼ੋਰ ਐ
ਓੁੱਤੋਂ ਮਾਇਆ ਦਾ ਜ਼ੋਰ ਐ
ਨਾ ਚੋਰ ਹੀ ਕੋਈ ਮਰਦਾ ਐ
ਨਾ ਕੰਤ ਬਿਨਾਂ ਹੀ ਸਰਦਾ ਐ
ਚਾਰ ਦਿਨਾਂ ਦੀ ਜ਼ਿੰਦਗੀ ਐ
ਨਾ ਪੱਲੇ ਮੇਰੇ ਬੰਦਗੀ ਐ
ਐਥੈ ਪਤਾ ਨੀ ਕਿੰਨੇ ਚਿਰ ਦੇ ਆਂ
ਹੁਣ ਤਾਂ ਮਾਰੇ ਮਾਰੇ ਫਿਰਦੇ ਆਂ
ਕਰ ਤਰਸ ਹੁਣ ਇਹੋ ਉਡੀਕ ਐ
ਤੇਰਾ ਨਾਮ ਹੀ ਇੱਕ ਰਫ਼ੀਕ ਐ
ਤੇਰੇ ਦਰਸ਼ ਦੀ ਲੰਮੀ ਆਸ ਐ
ਹੁਣ ਸਿੰਘ ਮਿਹਰਾਮਤ ਨਿਰਾਸ਼ ਐ
Mehramat Singh