ਬੇਦਾਵਾ
ਬੇਦਾਵੇ ਤੋਂ ਸਾਨੂੰ ਉਹ ਯਾਦ ਆਉਂਦੇ, ਚਾਲੀ ਸਿੰਘ ਜਿਨ੍ਹਾਂ ਨੇ ਮੂੰਹ ਮੋੜਿਆ ਸੀ
ਇਕ ਹੁਕਮ ਨ ਗੁਰੂ ਦਾ ਮੰਨਣ ਕਾਰਣ, ਅਣਖ ਗੈਰਤ ਨੂੰ ਪੈਰਾਂ ਵਿੱਚ ਰੋੜਿਆ ਸੀ
ਜਦ ਆਪਣੀ ਗਲਤੀ ਦਾ ਅਹਿਸਾਸ ਹੋਇਆ, ਪਛਤਾਵੇ ਨੇ ਅੰਦਰੋਂ ਝੰਜੋੜਿਆ ਸੀ
ਜਿੰਦ ਵਾਰ ਕੇ ਆਪਣੀ ਭੁੱਲ ਬਖਸ਼ਾਈ, ਕਲਗੀਆਂ ਵਾਲੇ ਨੇ ਟੁੱਟੀ ਨੂੰ ਜੋੜਿਆ ਸੀ
ਅੱਜ ਸਿੱਖੀ ਸਿਧਾਂਤਾਂ ਤੋਂ ਟੁੱਟ ਕੇ, ਕਰਮ ਕਾਂਡਾਂ ਤੇ ਡੇਰਿਆਂ ਨਾਲ ਜੁੜੀ ਜਾਂਦੇ
ਅਸੀਂ ਗੁਰੂ ਦੀ ਸਿੱਖਿਆ ਤੋਂ ਹੋ ਮੁਨਕਰ, ਨਿਤ ਨਵਾਂ ਬੇਦਾਵਾ ਹਾਂ ਲਿੱਖੀ ਜਾਂਦੇ
ਨਾਮ ਤੇ ਅੰਮ੍ਰਿਤ ਤੋਂ ਬੇਮੁਖ ਹੋ ਕੇ, ਸਿੱਖ ਅਖਵਾਉਣ ਦਾ ਦਾਅਵਾ ਵੀ ਕਰੀ ਜਾਂਦੇ
ਉਹ ਤਾਂ ਭੁੱਲ ਬਖਸ਼ਾ ਕੇ ਅਮਰ ਹੋਏ, ਅਸੀਂ ਨਾ ਬਖਸ਼ਨਜੋਗ ਭੁਲਾਂ ਕਰੀ ਜਾਂਦੇ
ਮਨ ਅੰਦਰ ਤਾਂ ਬੇਦਾਵਾ ਅਸੀਂ ਲਿੱਖੀ ਬੈਠੇ, ਉਪਰੋਂ ਉਪਰੀ ਦਿਖਾਵਾ ਕਰੀ ਜਾਂਦੇ
ਦੁਨੀਆਦਾਰੀ ਨੂੰ ਖੁਸ਼ ਕਰਣ ਵਾਸਤੇ, ਗੁਰੂ ਨਾਲ ਗੱਦਾਰੀਆਂ ਅਸੀਂ ਕਰੀ ਜਾਂਦੇ
ਹਰਮੀਤ ਸਿੰਘ ਸਾਨੂੰ ਕੋਈ ਮਾਰ ਨਾ ਸਕਦਾ, ਜੇ ਆਪਸ ਵਿੱਚ ਅਸੀਂ ਨਾ ਲੜੀ ਜਾਂਦੇ
ਸੱਚੇ ਪਾਤਿਸ਼ਾਹ ਪੰਥ ਦੀ ਅਗਵਾਈ ਆਪ ਕਰੋ, ਅਸੀਂ ਖ਼ੁਦਗ਼ਰਜ਼ੀ ਦੀ ਅੱਗ ਵਿੱਚ ਸੜੀ ਜਾਂਦੇ
ਸਤਿਗੁਰਬਚਨਕਮਾਵਣੇਸਚਾਏਹੁਵੀਚਾਰੁ॥