Siri Anand Sahib is full of Anand. Siri Guru Amardaas jee did great Kirpa on this world by bringing Siri Anand Sahib to this world. Siri Anand Sahib is the Hirda of Siri Guru Amardaas jee Sahib. Presented below is a poetic praise of this great Rachna of Guru Sahib jee:
ਅਰੰਭ ਵਿਚ ਸਤਿਗੁਰ ਪਾਵੇ, ਅੰਤ ਤਕ ਪਾਰਬ੍ਰਹਮ ਪਾਵੇ।
ਵਿਚ ਅਠੱਤੀ ਪੁੳੜੀਆਂ ਦੇ ਬਿਸਮਨ ਬਿਸਮ ਬਹੁਤ ਦਿਖਾਵੇ।
ਕਿਤੇ ਮਨ ਨੂੰ ਉਪਦੇਸ਼ ਦੇਕੇ ਹਰੀ ਦੇ ਨਾਲ ਰਹਿਣਾ ਸਿਖਾਵੇ।
ਕਿਤੇ ਵਾਜੇ ਅਨਹਦ ਸ਼ਬਦਾਂ ਦੇ ਬਹੁਤ ਘਣੇ ਇਹ ਵਜਾਵੇ।
ਕਿਤੇ ਸਾਚੇ ਸਾਹਿਬ ਨੂੰ ਕਹੇ ਕਿ, ਕੀ ਘਰ ਨਹੀਂ ਹੈ ਤੇਰਾਵੇ।
ਮਨ ਚੰਚਲ ਨੂੰ ਸਮਝਾਵੇ ਕਿ ਕੋਈ ਪਾ ਸਕੇ ਨਾ ਚਤੁਰਾਵੇ।
ਨਾਮ ਜਪ ਨਾ ਕੁਟੰਬ ਦੇਖ ਉਇ, ਇਹ ਨਾਲ ਚਲੇ ਨਾ ਚਲਾਵੇ।
ਸਰ ਨਰ ਅੰਮ੍ਰਿਤ ਖੋਜਣ ਤੂੰ ਕਿਉਂ ਗੁਰੂ ਦੇ ਪਿਆਸਾ ਰਹਾਵੇ।
ਭਗਤਾਂ ਦੀ ਚਾਲ ਵਿਲਖਣ, ਮਾਇਆ ਤਜਣ ਭਗਤ ਸੁਹਾਵੇ।
ਅੰਦਰੋਂ ਬਾਹਰੋਂ ਨਿਰਮਲ ਹੋਵੇ, ਨਾ ਕੇਵਲ ਭੇਖ ਲੋਕੀਂ ਦਿਖਾਵੇ।
ਹੋਰ ਬਾਣੀ ਸਭ ਕਚੀ ਜਾਣੇ ਤੇ ਬਾਣੀ ਕੇਵਲ ਗੁਰਾਂ ਦੀ ਗਾਵੇ।
ਸ਼ਾਸਤ੍ਰ ਪਾਪ ਪੁੰਨ ਵਿਚਾਰਨ, ਤਤ ਵਸਤ ਤੋਂ ਰਹਿਣ ਦੂਰਾਵੇ।
ਕੇਵਲ ਨਾਮ ਹੀ ਐਸੀ ਵਸਤ ਜੋ ਤਿਹਾਂ ਗੁਣਾਂ ਤੋਂ ਉਚਾਵੇ।
ਉਹ ਤਿਹੁ ਗੁਣਾਂ ਤੋਂ ਉਠ ਜਾਵੇ, ਜੋ ਨਾਮ ਨਾਲ ਜੁੜ ਜਾਵੇ।
ਜਠਰਗਨਿ ਵਰਗੀ ਹੀ ਗਰਮ, ਬਾਹਰ ਦੀ ਹੈ ਯਾਰੋ ਮਾਇਆ।
ਉਹ ਬਚੇ ਇਸ ਅਗਨੀ ਤੋਂ ਜਿਸ ਕੇਵਲ ਨਾਮ ਧਿਆਇਆ।
ਉਹ ਅਮੋਲਕ ਪ੍ਰਾਣੀ ਜਿਸ ਅਮੋਲਕ ਗੁਰੂ ਨੂੰ ਸਿਰ ਦਿਵਾਇਆ।
ਰਸਨਾ ਦੀ ਪਿਆਸ ਤਾਂ ਬੁਝਣੀ ਜਾਂ ਹਰਿ ਰਸ ਇਸ ਚਖਾਇਆ।
ਸਰੀਰ ਦਾ ਆਇਆ ਤਾਂ ਸਫਲ ਜਾਂ ਨਾਮ ਇਸ ਨੇ ਧਿਆਇਆ।
ਹਰੀ ਤੋਂ ਬਿਨਾਂ ਹੋਰ ਨ ਦੇਖੋ, ਨੇਤਰਾਂ ਨੂੰ ਇਹ ਹੁਕਮ ਲਗਾਇਆ।
ਸ੍ਰਵਨ ਤਾਂ ਸਰੀਰ ਤੇ ਲਾਏ ਹਰਿ ਨਾਮ ਧਿਆਨ ਨਾਲ ਸੁਣਾਇਆ।
ਸਰੀਰ ਵਿਚ ਹਰਿ ਪਿਆਰੇ ਨੇ ਦਸਵਾਂ ਦੁਆਰ ਗੁਪਤ ਰਖਾਇਆ।
ਸੋਹਿਲਾ ਸਚੇ ਖਸਮ ਦਾ ਭਾਈ ਸੁਣਿਓ ਲਾਕੇ ਧਿਆਨ ਲਗਾਇਆ।
ਕੁਲਬੀਰ ਸਿੰਘ ਕਹੇ ਗੁਰੂ ਜੀ, ਬਖਸ਼ੋ ਇਹ ਅਟਲ ਸਰਮਾਇਆ।
ਸਤਿਗੁਰਬਚਨਕਮਾਵਣੇਸਚਾਏਹੁਵੀਚਾਰੁ॥