Wahegurujikakkhalsa,
Wahegurujikifateh to all the gurmukh pyares.I want to share here a poem written by my husband which is one of my favorites ones composed by him.
ਐ ਮਨ ਮੇਰੇ ਪਿਆਰਿਆ ,
ਤੂੰ ਪਯਾਰਾ ਹੀ ਬਣਿਆ ਰਹਿ ਹਾਂ II
ਛੱਡ ਦੁਨੀਆ ਦੀਆਂ ਚਤੁਰਾਈਆਂ ,
ਗੁਰੂ ਚਰਨਾਂ ਨਾਲ ਈ ਜੁੜਿਆ ਰਹਿ ਹਾਂ II
ਨਾ ਦੇ ਸਾਨੂੰ ਕਾਮ ਦੇ ਸੱਦੇ ,
ਹਮੇਸ਼ਾਂ "ਨਾਮ" ਦੀ ਹੀ ਗੱਲ ਕਰਦਾ ਰਹਿ ਹਾਂ II
ਇਸ "ਮਾਇਆ" ਨੇ ਵੱਡੇ ਵੱਡੇ ਡੇਗੇ ,
ਤੂੰ ਨਾਮ ਬਾਣੀ ਦੀ ਹੀ ਓਟ ਤੱਕਦਾ ਰਹਿ ਹਾਂ II
ਸਰਨਾ ਨਹੀਂ ਇਹਨਾਂ ਵਿਕਾਰਾਂ ਕਰਕੇ ,
ਹਾਂ ਪਰ , ਇਕ ਗੱਲ ਪੱਕੀ , ਗੁਰਮਤਿ ਕਹਿੰਦੀ ,,
ਜੱਪ ਲੈ ਨਾਮ , ਨਹੀਂ ਤਾ ਨਰਕਾਂ ਚ ਸੜਦਾ ਰਹਿ ਹਾਂ II
ਇਹ ਵੀ ਗੱਲ ਨਹੀਂ ਕੇ ਨਾਮ ਤੂੰ ਜਪਦਾ ਨਹੀਂ ,
ਪਰ ਅੱਠੇ ਪਹਿਰ ਦੀ ਸਮਾਧੀ ਵਿਚ ਰਹਿ ਹਾਂ II
ਜਦ ਕਦੇ ਤੂੰ ਟਿੱਕ ਕੇ ਸ਼ਬਦ ਸੁਰਤ ਨੂੰ ਮੇਲੇਂ ,
ਇੰਜ ਲੱਗੇ ਜਿਵੇਂ ਚਰਨ ਕੰਵਲ ਬਸ ਹੁਣ ਲਏ ਅਸੀਂ ਗਹਿ ਹਾਂ II
ਹਾਏ , ਪਰ !!! ਵਿਕਾਰਾਂ ਵੱਲ ਜਦ ਖਿਚਿਆ ਜਾਵੇਂ ,
ਫਿਰ ਤਾਂ ਇਹੀ ਸੰਸਾ ਰਹਿੰਦਾ ਕੇ ਗ਼ਲਤੀ ਤੇਰੀ ,,
ਪਰ ਨਿਮਾਣਾ ਜੀਉ ਕਿਵੇਂ ਇਸਦੀ ਸਜ਼ਾ ਸਹਿ ਹਾਂ II
ਆਪਣੇ ਆਪ ਨੂੰ ਬ੍ਰਹਮ ਗਿਆਨੀ ਬਣ ਬਣ ਬੈਠੇਂ ,
ਕਦੇ ਕਸਵੱਟੀ ਗੁਰਮਤਿ ਦੀ ਤੇ ਵੀ ਪੂਰਾ ਲਹਿ ਹਾਂ II
"ਤੁਸੀਂ ਉਚੇ ,ਤੁਸੀਂ ਵੱਡੇ ,ਮੈਂ ਨੀਵਾਂ " ਤਾਂ ਬੜਾ ਕਹਿਨਾ,
ਕਦੇ ਦਿਲ ਦੀਆਂ ਡੂੰਗਾਯੀਆਂ ' ਚੋਂ ਵੀ ਕਹਿ ਹਾਂ II
ਬੜੇ ਜਨਮ ,ਬੜੀਆਂ ਜੂਨਾਂ ਤੈਂ ਭਵਾਯਾ ਈ ,
ਹੁਣ ਤਾ ਗੁਰੂ-ਘਰ ਦਾ ਕੂਕਰ ਬਣ ਟਿਕ ਬਹਿ ਹਾਂ II
ਇਹ ਜਿੰਦ ਨਿਮਾਣੀ ਤਾਂ ਰੋਂਦੀ ,ਕੁਰਲਾਉਂਦੀ ,ਮਿਨਤਾਂ ਪਾਉਂਦੀ ,
ਓਏ !! ਕਦੇ ਤੂੰ ਵੀ ਇਹਦੇ ਨਾਲ ਰਲ ਵੈਣ ਪਵਾ ਹਾਂ II
ਆਜਾ ਮਿਲਕੇ ਕਰੀਏ ਅਰਦਾਸ ਆਪਾਂ ਕਿ ,
ਹੈ ਪਾਤਿਸ਼ਾਹ ,ਮੈਂ ਮਰ ਚੱਲਿਆ ਦਰਸ਼ਨਾਂ ਬਾਝੋਂ ,,
ਕਿਤੇ ਦੀਦਿਆਂ ਦੀ ਖੈਰ ਸਾਡੀ ਝੋਲੀ ਵੀ ਪਾ ਹਾਂ II
ਕਰੀਏ ਪੁਕਾਰਾਂ ,ਛੱਡੀਏ ਇਲਤੋ-ਮਾਲੂਲ ,
ਕਿਓਂ ਜੋ ਪਾਖੰਡ ਨੀਤੀਆਂ ਦਾ ਬਣਨਾ ਓਥੇ ਗਵਾਹ ਹਾਂ II
ਰਾਤ ਦਿਵਸ ਦਾ ਕੂਕਣਾ ਕਰ ਦੇਈਏ ਆਸ਼ਕਾਰਕ,
ਪ੍ਰੇਉ ਪ੍ਰੇਉ ,ਗੁਰੂ-ਗੁਰੂ ਦੀ ਟੇਰ ਲਾਕੇ ,,
ਸਮੁੰਦਰ ਵੈਰਾਗ ਦੇ ਨੇਤ੍ਰੋਂ ਲਿਆ ਦੇਈਏ ਵਹਾ ਹਾਂ II
ਕਾਬਲੇ-ਤਹਿਸੀਨ ਦਰਗਾਹ ਅੰਦਰ ਕਾਮ ਇਹੀ,
ਆਜਾ ਰਲਕੇ ਆਪਾਂ ਕਰ ਲਈਏ ਨਹੀਂ ਤਾਂ ,,
ਜਨਮਾਂ ਜਨਮਾਂ ਦੀ ਪੱਲੇ ਬਸ ਸਵਾਹ ਹਾਂ II
ਹੇ ਦਾਤਾਰ ,ਨਦਰ-ਬਖਸ਼ਾਲੂ ਪਿਤਾ ਜੀ !!
ਐਸੀ ਬਕਸ਼ ਅਸਾਂ ਤੇ ਕਰ ਦੇਣੀ ,
ਜਪੀਏ ਨਾਮ ਤਾਂ ਕਹੀਏ ਜੀਵਨ ਉਸਨੂੰ,,
ਛੱਡੀਏ ਨਾਮ , ਤੇਰੇ ਦਾਸ ਤਤਕਾਲ ਮਰਾਂ ਹਾਂ II
bhul chuk di muaffi ji..guru sahib apne gursikha di charan dhoor bakshde rehan.
wahegurujikakhalsa
wahegurujikifateh