ਕਿਆ ਖੂਬਸੂਰਤ ਰਾਤ ਸੀ...

ਕਿਆ ਖੂਬਸੂਰਤ ਰਾਤ ਸੀ...
September 25, 2011 07:01AM

ਵਾਹ ਵਾਹ ਪਿਆਰੇ ਜੀਓ, ਕਿਆ ਖੂਬਸੂਰਤ ਰਾਤ ਸੀ।
ਗੁਰਬਾਣੀ ਦਾ ਅਨੰਦ ਸੀ ਤੇ ਗੁਰਸਿਖਾਂ ਦੀ ਬਾਰਾਤ ਸੀ।
ਹਰਿਜਸ ਗਾਉਂਦੇ ਹੰਸਲੇ, ਬਹੁਤ ਅਨੋਖੀ ਬਨੀ ਬਾਤ ਸੀ।
ਮਾਇਆ ਦੇ ਏਜੰਟ ਭਜੇ, ਹੋਈ ਅਚਰਜ ਕਰਾਮਾਤ ਸੀ।

ਰੈਣਿ ਸਬਾਈ ਕੀਰਤਨ ਦੇ ਯਾਰੋ ਅਦਭੁਤ ਹੀ ਨਜ਼ਾਰੇ ਸੀ।
ਸਿਖਾਂ ਦੇ ਤਾਂ ਕਹਿਣੇ ਕੀ, ਸਭਨਾਂ ਦੇ ਮੁਖ ਉਜਲਾਰੇ ਸੀ।
ਕੀਰਤਨ ਦੀਆਂ ਗੂੰਜਾਂ ਦੇ ਕੁਝ ਰੰਗ ਅਜਬ ਨਿਆਰੇ ਸੀ।
ਕੋਈ ਨਹੀਂ ਸੀ ਬੇਗਾਨਾ ਸਭ ਲਗਦੇ ਆਪਣੇ ਪਿਆਰੇ ਸੀ।

ਕੁਲਬੀਰ ਸਿੰਘ ਅਰਜ਼ ਗੁਰਾਂ ਦੇ ਚਰਨਾਂ ਵਿਚ ਪੇਸ਼ ਕਰੇ।
ਸਾਧ ਸੰਗਤਿ ਦੇ ਆਸਰੇ ਨਾਲ ਭਵਸਾਗਰ ਤੋਂ ਪਾਰ ਪਰੇ।
ਅਜਰ ਜਰਾਇਆ ਸਦਾ ਜਰੇ ਅਚਰ ਚਰਾਇਆ ਵੀ ਚਰੇ।
ਸਚੇ ਪਾਤਿਸ਼ਾਹ ਤੁਹਾਥੋਂ ਬਿਨਾ ਸਾਡਾ ਕਿਵੇਂ ਵੀ ਨਾ ਸਰੇ।

Reply Quote

kookarheerasingh

Re: ਕਿਆ ਖੂਬਸੂਰਤ ਰਾਤ ਸੀ...
September 25, 2011 03:29PM

ਵਾਹ ਵਾਹ ਪਿਆਰੇਓ ਜੀ ਕਿਆ ਰਾਤ ਨਿਆਰੀ ਸੀ
ਕਰ ਅਰਦਾਸ ਜੁੜ ਬੈਠੇ ਗੁਰਮੁਖ ਜਨ, ਸਜ ਗੁਰ ਦਰਬਾਰੀ ਸੀ

ਕੋਈ ਮੰਗਦਾ ਜੋਤ ਵਿਗਾਸ ਕੋਈ ਦਰਸ਼ਨ ਝ੍ਲ੍ਕਾਰੀ ਸੀ
ਕੋਈ 'ਰਸਕ ਰਸਕ', ਵਿਚ ਕੀਰਤਨ, ਪੀਂਦਾ ਅਮ੍ਰਿਤ ਖਿਨ ਪਲ ਜਾਰੀ ਸੀ

ਕੀਰਤਨ ਅਖਾੜੇ ਵਿਚ ਲੋਟ ਪੋਟ, ਕੁਝ ਉਚ ਅਵ੍ਸ੍ਥੇ ਗੁਰਮੁਖ ਪਿਆਰੇ ਸੀ
ਕੁਝ ਨਵ ਗੁਰਸਿਖੜੇ ਆਣ ਬੈਠੇ ਵਿਚ ਗੁਰ ਦਰਬਾਰੇ ਸੀ

ਕਿਸੇ ਹਥ ਸਫਾ ਜੰਗ ਕੋਈ ਸ਼ਮਸ਼ੀਰ ਧਾਰੀ ਸੀ
ਕੋਈ ਖੰਡੇ ਬਾਟੇ ਨਾਲ ਸਜਿਆ ਤਿਆਰ ਬਰ ਤਿਆਰੀ ਸੀ

ਖੁਸ਼ੀਆਂ ਲੈਂਦੇ ਗੁਰੂ ਦੀਆਂ ਧਰ ਮਸਤਕ ਗੁਰ ਚਰਨਾਰੀ ਸੀ
ਗੁਰ ਤੁਠਾ ਭਰ ਦਿੰਦਾ ਝੋਲੀਆਂ, ਨਾ ਮੁੜਿਆ ਖਾਲੀ ਕੋਈ ਵਿਚਹੁ ਗੁਰ ਦਰਬਾਰੀ ਸੀ

ਗੁਰੂ ਪਿਤਾ ਤਰਸ ਕਰੇ, ਹੀਰਾ ਸਿੰਘ ਇਹ ਅਖਾੜੇ ਚਲਦੇ ਰਹਣ ਜਗ ਸਾਰੇ ਜੀ
ਮਿਲ ਜਾਵੇ ਪੁਰਖ ਅਬਿਨਾਸ਼ੀ ਅੰਗੀਕਾਰ ਕਰ ਲੈਵੇ ਨਾ ਲਾਵੇ ਵਿਲੰਭ ਏਸ ਵਾਰੀ ਜੀ ।

Reply Quote

Re: ਕਿਆ ਖੂਬਸੂਰਤ ਰਾਤ ਸੀ...
September 25, 2011 07:35PM

Vahegurooo

Ek devho raath muraari...

Reply Quote

ਸਾਹਿਬ ਸਿੰਘ

Re: ਕਿਆ ਖੂਬਸੂਰਤ ਰਾਤ ਸੀ...
September 29, 2011 07:58AM

ਵਾਹ ਵਾਹ ਜੀ ਕਿਆ ਸੋਹਣੀ ਰਾਤ ਲੰਗੀ
ਇਹ ਸੀ ਸਾਰੀ ਪਿਆਰੇ ਦੇ ਰੰਗ'ਚ ਰੰਗੀ

ਨੀਲੇ ਸੀ ਬਾਣੇ, ਗੁਰਸਿਖ ਲਗਦੇ ਰਾਣੇ
ਕੀ ਹੋਏ ਅਨੁਭਵ ਸਚੇ ਪਾਤਸਾਹ ਜਾਣੇ
ਗਾਈ ਜਾਂਦੇ ਬਾਣੀ, ਗੁਰੁਸਿਖ ਨਿਮਾਣੇ
ਕੋਈ ਵਿਰਲਾ ਮਿਤਰੋ ਇਹ ਰੰਗ ਮਾਣੇ

ਸ਼ਬਦ ਦੀ ਵਜੀ ਗੂੰਝ,ਗਈ ਹੰਝੂ ਪੂੰਝ
ਦਰਸ਼ਨ ਸ਼ਬਦ ਹਿਰਦੇ ਦਿੰਦੇ ਵਾਲੂੰਝ

ਵਾਹ ਵਾਹ ਜੀ ਕਿਆ ਸੋਹਣੀ ਰਾਤ ਲੰਗੀ
ਇਹ ਸੀ ਸਾਰੀ ਪਿਆਰੇ ਦੇ ਰੰਗ'ਚ ਰੰਗੀ

Vaheguru jee ka Khalsa Vaheguru jee kee fateh!