ਭਗਤ ਤ੍ਰਿਲੋਚਨ ਜੀ ਦੇ ਗੁਰੂ ਗਰੰਥ ਸਾਹਿਬ ਜੀ ਦੇ ਵਿਚ ੪ ਸ਼ਬਦ ਦਰਜ ਹਨ ! ਗੁਰੂ ਸਾਹਿਬ ਜੀ ਬਾਕੀ ਰਚੀ ਬਾਣੀ ਵਾਂਗ ਭਗਤ ਜੀ ਦੇ ਸ਼ਬਦਾਂ ਵਿਚ ਵੀ ਗੁਰੂ ਸਾਹਿਬ ਜੀ ਕਿਰਪਾ ਨਾਲ ਅਨਮੋਲ ਖ਼ਜ਼ਾਨੇ ਪਰੋਏ ਹੋਏ ਹਨ ! ਜਿਥੇ ਕੇ ਭਗਤ ਜੀ ਨੇ ਆਪਣੇ ਅਨੁਭਵ ਪਰਗਟ ਕੀਤੇ ਹਨ ਓਥੇ ਨਾਲ ਨਾਲ ਸੰਸਾਰ ਦੇ ਭਲੇ ਲਈ ਜੀਵਨ ਦੀਆਂ ਕਸੌਟੀਆਂ ਵੀ ਕਲਮ ਬੰਦ ਕਰ ਦਿਤੀਆਂ ! ਜਿਵੇਂ ਕਿ ਬਾਕੀ ਸਾਰੀ ਬਾਣੀ ਦਾ ਸ਼ੁਦ ਪਾਠ ਕਰਨ ਦੇ ਲਈ ਸ਼ਬਦ ਦੇ ਅਰਥਾਂ ਦੀ ਵਿਚਾਰ ਕਰਨ ਦੀ ਸ਼ਖਤ ਲੋੜ ਹੈ ਓਥੇ ਭਗਤਾਂ ਦੀ ਬਾਣੀ ਦਾ ਠੀਕ ਪਾਠ ਕਰਨ ਦੇ ਲਈ ਇਹ ਬਹੁਤ ਜਰੂਰੀ ਹੈ ਕੇ ਇਹਨਾ ਸ਼ਬਦਾ ਦੀ ਡੂੰਗੀ ਵਿਚਾਰ ਕੀਤੀ ਜਾਵੇ ਤਾਂ ਕੇ ਵਧ-੨ ਇਸ ਅਗਮ-ਅਗਾਧ-ਬੋਧ ਬਾਣੀ ਦਾ ਭਾਵ ਸਾਡੇ ਮਨਾਂ ਵਿਚ ਵਸ ਸਕੇ !
੧) ਪਹਲਾ ਸ਼ਬਦ ਸ੍ਰੀ ਰਾਗ ਵਿਚ ਸਾਹਿਬ ਸ੍ਰੀ ਗੁਰੂ ਗਰੰਥ ਸਾਹਿਬ ਜੀ ਵਿਚ ਅੰਗ # ੯੨ ਉਤੇ ਦਰਜ ਹੈ ਜਿਸ ਵਿਚ ਕੇ ਭਗਤ ਜੀ ਨੇ ਜੀਵ ਮਾਇਆ ਦੇ ਮੋਹ ਵਿਚ ਨਕਾ-ਨਕ ਫਸੇ ਹੋਣ ਦਾ ਜਿਕਰ ਕੀਤਾ ਹੈ ਜਿਸ ਨੂੰ ਕੇ ਮੌਤ/ਪਰਮਾਤਮਾ ਦਾ ਚੇਤਾ ਨਹੀਂ ਹੈ ! ਭਗਤ ਜੀ ਦਸਦੇ ਹਨ ਕੇ ਕੋਈ ਵਿਰਲੇ ਭਾਗਾਂ ਵਾਲੇ ਹਨ ਜੋ ਇਸ ਅੰਤ ਸਮੇ ਨੂੰ ਚੇਤੇ ਰਖ ਕੇ ਪ੍ਰਭੁ ਦੇ ਦਰ ਤੇ ਅਰਜੋਈ ਕਰਦੇ ਹਨ ਤੇ ਉਸ ਨੂੰ ਮਿਲਣ ਲਈ ਤਾਂਗਦੇ ਹਨ ! (ਟੀਕਾ ਪ੍ਰੋਫ਼ ਸਾਹਿਬ ਸਿੰਘ)
ਸਿਰੀਰਾਗੁ ਤ੍ਰਿਲੋਚਨ ਕਾ ॥
ਮਾਇਆ ਮੋਹੁ ਮਨਿ ਆਗਲੜਾ ਪ੍ਰਾਣੀ, ਜਰਾ ਮਰਣੁ ਭਉ ਵਿਸਰਿ ਗਇਆ ॥ ਕੁਟੰਬੁ ਦੇਖਿ ਬਿਗਸਹਿ ਕਮਲਾ ਜਿਉ, ਪਰ ਘਰਿ ਜੋਹਹਿ ਕਪਟ ਨਰਾ ॥੧॥
ਦੂੜਾ ਆਇਓਹਿ, ਜਮਹਿ ਤਣਾ ॥ ਤਿਨ ਆਗਲੜੈ, ਮੈ ਰਹਣੁ ਨ ਜਾਇ ॥ ਕੋਈ ਕੋਈ ਸਾਜਣੁ ਆਇ ਕਹੈ ॥ ਮਿਲੁ ਮੇਰੇ ਬੀਠੁਲਾ, ਲੈ ਬਾਹੜੀ ਵਲਾਇ ॥
ਮਿਲੁ ਮੇਰੇ ਰਮਈਆ, ਮੈ ਲੇਹਿ ਛਡਾਇ ॥੧॥ ਰਹਾਉ ॥
ਅਨਿਕ ਅਨਿਕ ਭੋਗ ਰਾਜ ਬਿਸਰੇ ਪ੍ਰਾਣੀ, ਸੰਸਾਰ ਸਾਗਰ ਪੈ ਅਮਰੁ ਭਇਆ ॥ ਮਾਇਆ ਮੂਠਾ ਚੇਤਸਿ ਨਾਹੀ, ਜਨਮੁ ਗਵਾਇਓ ਆਲਸੀਆ ॥੨॥
ਬਿਖਮ ਘੋਰ ਪੰਥਿ ਚਾਲਣਾ ਪ੍ਰਾਣੀ, ਰਵਿ ਸਸਿ ਤਹ ਨ ਪ੍ਰਵੇਸੰ ॥ ਮਾਇਆ ਮੋਹੁ ਤਬ ਬਿਸਰਿ ਗਇਆ, ਜਾਂ ਤਜੀਅਲੇ ਸੰਸਾਰੰ ॥੩॥
ਆਜੁ ਮੇਰੈ ਮਨਿ ਪ੍ਰਗਟੁ ਭਇਆ ਹੈ, ਪੇਖੀਅਲੇ ਧਰਮਰਾਓ ॥ ਤਹ ਕਰ ਦਲ ਕਰਨਿ ਮਹਾਬਲੀ, ਤਿਨ ਆਗਲੜੈ ਮੈ ਰਹਣੁ ਨ ਜਾਇ ॥੪॥
ਜੇ ਕੋ ਮੂੰ ਉਪਦੇਸੁ ਕਰਤੁ ਹੈ, ਤਾ ਵਣਿ ਤ੍ਰਿਣਿ ਰਤੜਾ ਨਾਰਾਇਣਾ ॥ ਐ ਜੀ, ਤੂੰ ਆਪੇ ਸਭ ਕਿਛੁ ਜਾਣਦਾ, ਬਦਤਿ ਤ੍ਰਿਲੋਚਨੁ ਰਾਮਈਆ ॥੫॥੨॥ਕਿਨੇ ਅਸਚਰਜ ਦੀ ਗਲ ਹੈ ਕੇ ਅਸੀਂ ਇਹ ਸਾਰਾ ਚਿਤਰ ਪੜਦੇ ਹੋਏ ਵੀ ਇਸ ਦੁਨੀਆ ਵਿਚ ਅਨਜਾਣ ਬਣ ਕੇ ਵਿਚਰਦੇ ਹਾਂ ! ਭਗਤ ਜੀ ਨੇ ਕਿਸ ਤਰਾਂ ਮੌਤ ਦਾ ਨਕਸ਼ਾ ਦਰਸਾਉਂਦੇ ਹੋਏ ਬਿਆਨ ਕੀਤਾ ਹੈ ਕੇ ਜਮ ਦੇ ਪੁਤਰ ਦੌੜੇ ਆ ਰਹੇ ਹਨ (ਭਾਵ ਮੌਤ ਦਿਨ-ਬ੦ਦਿਨ ਕੋਲ ਆ ਰਹੀ ਹੈ ) ! ਇਹ ਵੀ ਦਸਦੇ ਹਨ ਕਿ ਇਸ ਜੀਵ ਇਸਤਰੀ ਦੀ ਮਾੜੇ ਕਰਮਾ ਕਾਰਨ ਪੇਸ਼ ਨਹੀ ਜਾਂਦੀ (ਭਾਵ ਇਸਦੇ ਇਕ ਇਕ ਕਰਮ ਦਾ ਹਿਸਾਬ ਹੁੰਦਾ ਹੈ) ! ਅਗੇ ਵਰਣਨ ਹੈ ਕੇ ਇਹ ਸਭ ਕੁਝ ਜਾਂਦੇ ਵੀ ਬਹੁਤ ਵਿਰਲੇ ਹਨ ਜੀ ਗੁਰੂ ਸਾਹਿਬ ਨੂੰ ਮਿਲਣ ਦੀ ਅਰਜੋਈ ਕਰਦੇ ਹਨ !
NEXT shabads to follow .......
Sangat ji is requested to pls correct the VISRAAMs if needed and add/edit the ARTHs.