Siri Guru Hargobind Sahib jee in Gawalior

ਬੰਦੀ ਵਿਚ ਬੈਠਾ ਸੋਹਣਾ, ਕਰੇ ਸਭ ਦੀ ਬੰਦ-ਖਲਾਸੀ।
ਗਵਾਲੀਅਰ ਦੀ ਜੇਲ ਕੀ, ਉਹ ਕੱਟੇ ਸਭ ਦੀ ਚੁਰਾਸੀ।
ਐਸਾ ਹੈ ਉਹ ਰਹਿਮ-ਦਿਲ, ਰਹੇ ਕੋ ਜਿੰਦ ਨਾ ਨਿਰਾਸੀ।
ਉਹ ਹੀ ਹੋਵੇ ਜੱਗ ਵਿਚ, ਜੋ ਉਹ ਕਰੇ ਜਾਂ ਕਰਾਸੀ।

Jahangir's Mistake and Divine Punishment

ਦੁਸ਼ਟਾਂ ਦੀ ਚੁੱਕ ‘ਚ ਆਕੇ, ਕੀਤੀ ਖ਼ਤਾ ਜਹਾਂਗੀਰ।
ਦੀਨ ਦੁਨੀ ਦਾ ਮਾਲਿਕ ਕੀਤਾ ਰਾਜੇ ਨੇ ਅਸੀਰ।
ਸਿਖਾਂ ਦੇ ਦਿਲਾਂ ਤੇ ਚਲੇ, ਕਈ ਚਾਕੂ ਅਤੇ ਤੀਰ।
ਰੋਈ ਸਾਰੀ ਖਲਕਤ, ਕੀ ਗਰੀਬ ਤੇ ਕੀ ਅਮੀਰ।
ਲੋਕਾਂ ਦੀ ਹਾਅ ਸੀ ਲਗੀ, ਰਾਜੇ ਨੂੰ ਵਾਂਗ ਤੀਰ।
ਸੂਲ ਉਠਿਆ ਰਾਜੇ ਤਾਂਈਂ, ਚੀਕਾਂ ਮਾਰੇ ਜਹਾਂਗੀਰ।
ਕਈ ਆਏ ਵੈਦ ਪਰ ਕੋਈ, ਬਦਲ ਨਾ ਸਕੇ ਤਕਦੀਰ।
“ਤੂੰ ਕੋਈ ਗੁਨਾਹ ਕੀਤਾ”, ਉਹਨੂੰ ਕਹਿਣ ਆਕੇ ਪੀਰ।
ਕੋਈ ਦੁਖਿਆ ਰੱਬ ਦਾ ਬੰਦਾ, ਜਾਂ ਕੋਈ ਕਾਮਲ ਫਕੀਰ।
ਗੱਲ ਸੁਣਿ, ਰਾਜੇ ਮੂਹਰੇ ਆ ਗਈ, ਗੁਰਾਂ ਦੀ ਤਸਵੀਰ।
ਪਛੁਤਾਇਆ ਬਹੁਤ ਰਾਜਾ, ਤੇ ਕੀਤਾ ਚੋਲਾ ਲੀਰੋ ਲੀਰ।

Jahangir Realizes his Mistake and Orders Guru jee's Release

ਕੁਝ ਪਲਾਂ ਵਿਚ ਆਈ, ਹੋਸ਼ ਸੀ ਜਹਾਂਗੀਰ ਨੂੰ।
ਕਹੇ ਰਿਹਾ ਕਰੋ ਜਲਦੀ, ਦੀਨ ਦੁਨੀ ਦੇ ਪੀਰ ਨੂੰ।
ਅਹਿਲਕਾਰ ਤੁਰੰਤ ਭੇਜੇ, ਮਨਾਉਣ ਗੁਰ ਫਕੀਰ ਨੂੰ।
ਅਫਸਰ ਬੇਗ ਆਏ ਤੇ ਸਲਾਮ ਕਰਨ ਗੁਰ ਬੀਰ ਨੂੰ।
ਗੁਰਾਂ ਤਾਂਈ ਕਹਿਣ ਆਕੇ, ਸਕੂਨ ਦੇਵੋ ਜਹਾਂਗੀਰ ਨੂੰ।
ਰਾਜਾ ਬਹੁਤ ਪਛੁਤਾਵੇ, ਕੋਸੇ ਆਪਣੀ ਜ਼ਮੀਰ ਨੂੰ।
ਬਾਹਰ ਆਓ ਨਿਸੰਗ ਹੋ, ਛੱਡੋ ਵੇਸ ਅਸੀਰ ਨੂੰ।

Guru jee Refuse to get Release alone, without other Prisoners

ਗੰਭੀਰ ਹੋ ਕੇ ਬੋਲੇ ਗੁਰੂ ਵੱਡੇ ਪਰੋਪਕਾਰੀ।
ਬੇਕਸਾਂ ਉਤੇ ਤੁਹਾਡੇ ਬੜੇ ਜ਼ੁਲਮ ਨੇ ਜਾਰੀ।
ਜੇਲਾਂ ਅੰਦਰਿ ਬੇਦੋਸ਼ੇ ਕਈ ਨਰ ਅਤੇ ਨਾਰੀ।
ਬੇਦੋਸ਼ੇ ਰਾਜੇ ਇਥੇ ਕਈ ਬੰਦੀ ਨੇ ਵਿਚਾਰੀ।
ਤਿਨਾਂ ਛੱਡ ਜਾਈਏ ਇਹ ਗੱਲ ਨਹੀਂ ਪਿਆਰੀ।
ਕਹਿ ਦਿਓ ਜਹਾਂਗੀਰ ਨੂੰ ਇਹ ਗੱਲ ਅਸਾਂ ਸਾਰੀ।
ਕੈਦੀਆਂ ਨਾਲ ਬਾਹਰ ਜਾਊ ਸਾਡੀ ਨਿਜ ਸਵਾਰੀ।

Jahangir Hears about Guru jee's Condition

ਸੁਣ ਗੁਰਾਂ ਦੇ ਬਚਨ ਆ ਗਏ ਮੰਤਰੀ ਵਿਚਾਰੇ।
ਸਾਰੀ ਗੱਲ ਕਹਿ ਸੁਣਾਈ ਰਾਜੇ ਦੇ ਦੁਆਰੇ।
ਸੁਣ ਜਹਾਂਗੀਰ ਥੋੜਾ ਪਰੇਸ਼ਾਨ ਹੋਕੇ ਬੋਲਾਰੇ।
ਮੈਂ ਰਾਜਾ ਹੋ ਕਿਉਂ ਝੱਲਾਂ ਇਹ ਬੋਲ ਕਰਾਰੇ।
ਮੂਹੋਂ ਇਸ ਤਰਾਂ ਦੇ ਉਸ ਭੈੜੇ ਬੋਲ ਉਗਲਾਰੇ।
ਪਰੇਸ਼ਾਨ ਹੋਇਆ ਰਾਜਾ, ਹੱਥ ਮੱਥੇ ਉਤੇ ਮਾਰੇ।
ਓੜਕ ਜਦੋਂ ਚੱਲੇ ਨਾ ਕੋਈ ਉਸ ਦੇ ਉਪਚਾਰੇ।
ਹੁਕਮ ਦਿਤਾ ਕਰੋ ਰਿਹਾ ਗੁਰੂ ਨੂੰ ਇਸ ਵਕਤਾਰੇ।

Jahangir Imposes his Condition and Guru jee Fulfill his Condition

ਪਰ ਇਕ ਸ਼ਰਤ ਲਾਈ, ਉਹੀ ਰਾਜੇ ਜਾਣ ਸਵਾਰੇ।
ਗੁਰਾਂ ਦਾ ਪੱਲਾ ਫੱੜ ਬਾਹਰ ਆਉਣ ਜੋ ਹੋਸ਼ਿਆਰੇ।
ਗੁਰਾਂ ਦੇ ਤੁੱਲ ਦੱਸੋ ਕੌਣ ਹੈ ਵਿਚ ਇਸ ਦੁਨੀਆਰੇ।
ਗੁਰਾਂ ਚੋਲਾ ਸੰਵਾਇਆ ਜਿਸਦੀਆਂ ਕਲੀਆਂ ਬੇਸ਼ੁਮਾਰੇ।
ਸਾਰੇ ਰਾਜੇ ਰਿਹਾ ਕਰਾਕੇ ਸਾਡੇ ਗੁਰਾਂ ਨੇ ਯਾਰੋ ਤਾਰੇ।
ਸਾਰੀ ਖਲਕਤ ਨੇ ਬਾਲੇ ਦੀਵੇ ਕਈ ਲੱਖਾਂ ਤੇ ਹਜ਼ਾਰੇ।
ਉਦੋਂ ਤੋਂ ਸਿਖਾਂ ਮਨਾਏ ਹਮੇਸ਼ਾਂ ਬੰਦੀ ਛੋੜ ਦਿਹਾਰੇ।
ਕੁਲਬੀਰ ਸਿੰਘ ਦੀ ਬੇਨਤੀ, ਮੇਰੇ ਸਤਿਗੁਰ ਮੀਤ ਪਿਆਰੇ।
ਆਬੇ-ਹਯਾਤ ਬਖਸ਼ ਤੇ ਹਿਰਦੇ ਪਰਗਟ ਕਰਿ ਚਰਨਾਰੇ।

The heart is not yet satisfied. If Guru Sahib gives strength and capability, more praise of Guru jee will written by Bandi Chhor Divas.

Daas
Kulbir Singh